سانتدويتشات بخبز التورتيلا الجاهز .

مساء الخيراااااااات ...

اليوم سويت ساندويتشات بخبز التورتيلا الجاهز وهي الطبق الجانبي في سفره غدانا اليوم ..
شريت نوعين من الخبز من احدى المخابز ..


الحار حشيته بتونا خلطتها بجبنه سايله مضبوط وحشيت الخبز بشكل اسطواني وحمصتها في الصاجه او التاوه بشوييييه زيت ..



وبعدها قسمتها من الوسط وغرست فيها ورق بقدونس



والساده حشيتها بمشروم وزيتون اسود ونثرت عليها جبنه شيدر مبشوره .. لكن انا ما عجبتني اعجبت زوجي لانه يحب المشروم ونفس الطريقه حمصتها على التاوه ..وقسمتها من النصف ..
ونثرت عليها باقي جبنه الشيدر ..وعند التقديم سخنتها في الميكرويف وذابت الجبنه على الوجه ..


خلصنا كذا ...وارجوا ان ينال اعجابكم ..

ممتازه في العشاء وتغيير للروتين ورائعه كطبق جانبي ايضآآ والجميل فيها انها سريييييعه التحضير ...
وخبز التورتيلا اي حاجه تحشينها فيه تطلع لذيذه ...يعني اذا كان في ثلاجتك لاتحملي هم كل حاجه حلوه معاه ..جبنه ,بيض . دجاج , لحم ..واي شئ يخطر ببالك ...